La meriénàie
A l\'écllérzie
Autoune
Chançun daus nobllas
Chantevent
Communiqué des associations La Soulère et Alfa du 11 janvier 2010
Ditun
L'Internationale en poitevin-saintongeais
L'Ivar
La félle de lére
La Pirvole [ traduit de La Coccinelle de Victor Hugo]
Le lévre é la tortue
Le louc é le gna
Le renard é la grole
Magnificat
Motion pour une région administrative Poitou-Charentes-Vendée
Velle
L'Internationale en poitevin-saintongeais
Source : Bernancio limérot 96.

Velat ine çhançun qu’ol at en bé daus parlanjhes mé poet encore den le noutre ! Ujhéne Pottier(1816-1887) grafegnit lés paroles françaeses en jhén de 1871, den lés jhornàies que Thiers dragounét la Coumune de Paris. La musique, lai, véndrat pu tard : a serat dau Liloes Pierre Degeyter (1888). A partir de 1904, ol ét vénghu l’ime de l’Éntrnaciounale ouvrére.


A d’bout ! lés danais de çhau munde ! (çheù,variante saintongeaise)
A d’bout ! arçhinous de la fém !
La résun toune so sa bunde,
Qu’o vat débundàe a la fin.
Le passai, cuntun lou pr rén. (ren)
Soulas éscllave, a d’bout ! a d’bout !
Le munde vat chanjhàe de soutre !
É peùsqu’i sun rén, séjhun tout ! (peùsque sun ren)

Refrén
Pr la lute finale,
Jhéndun nous, é demén,
L’Éntrnaciounale
Serat tout l’ordre oumén.

D’en hàut, o vént pa de sauvours,
Ni Dieù, ni César, ni tribùn.
Fàut qu’i nous sauvun, nous, fasours ! (que nous)
Qu’o séjhe in sauvement coumùn !
Pr qu'o désengoule le volour,
Pr tiràe de prisun l’aeme,
Bufun noutre forjhe nous maemes,
Batun le fér quant l’ét bé chàud ! (quant il ét chàud)

L’État acache, la loe mentit,
L’énpous segne le malurous.
Le devant jhamae rén, lés grous. (I devant)
Le drét dau pauvre ét afasi.
I avun assé péri sujhits. (Jh'avun)
L’Égaletai veùt d’àutres loes :
« Pa de dréts sen devoers, qu’a dit ;
Égàus, pa de devoers sen dréts. »

Le sant zirablles su lou hàut, (I sant leù hàut)
Lés roes daus mines peù daus ralles. (dés mines dés)
Avant éll jhamae fét rén d’àutre (Avant i)
Que de gripàe noutre travall ?
Den lés coufres de la loubrie,
Ét noutre ouvrajhe qui coulit.
A récllamàe qu’a séjhe rendue,
Le péplle veùt rén que sun du.

Lés roes nous souliant de fumàies,
Pés entr nous, ghére aus tirans !
É boucun itou aus armàies,
Crosse en hàut é çhitun lés rens.
Si s’atinant çhés canibales
Pr faere de nous daus héros, (dés héros)
Le sarant bétout que nous bales (I sarant)
Érant drét a nous jhénéràus.

Ouvràes, paesans, i sun trtouts (jhe sun)
Le grand parti daus travallours. (dés)
La tére, al apartént qu’ aus oumes,
Lés nivassous érant allour.
Tant d’aloubis nous ravalant,
Mé si lés groles, lés vautours,
Yin de çhés matins, s’évolant,
Le souléll raeyerat trjhou.